İrəvanda polkovnik-leytenant məktəbə basqın edib.
İnterpress.az xəbər verir ki, bu barədə “Shamshyan.com” saytı məlumat yayıb. Oğlunun döyüldüyünü iddia edən hərbçi və qardaşı polis tərəfindən saxlanılıb.
Hadisə İrəvanın Nubaraşen rayonundakı məktəbdə baş verib. Məlumata görə, noyabrın 20-də 41 yaşlı Nubaraşen sakini, polkovnik-leytenant Melik Q. 8-ci sinfin dərsini pozaraq içəri daxil olub.
O, təxminən 10 dəqiqə ərzində müəllim və şagirdlərin üzərinə qışqıraraq, “Siz kimsiniz ki, mənim oğlumu döyürsünüz?” deyə bağırıb.
Hərbçi binadan çıxarıldıqdan sonra isə onun qardaşı, 39 yaşlı Seryoja Q. küçədə valideynlərin və şagirdlərin gözü qarşısında təhqiramiz ifadələr işlətməyə başlayıb.
Hər iki şəxs polis tərəfindən saxlanılaraq bölməyə aparılıb.
Xuraman Etibarlı
İnterpress.az
