Moskvada dəhşətli qətl: Həmkarını siqaret çəkdiyi üçün lift şaxtasına atdı
İş yerində siqaret çəkən şəxsə edilən xəbərdarlıq faciə ilə nəticələndi, zərərçəkən xəstəxanada dünyasını dəyişib.
İnterpress.az xəbər verir ki, bu barədə Rusiya mətbuatı məlumat yayıb.
Hadisə Moskvada tikinti obyektlərinin birində baş verib. Məlumata görə, işçilərdən biri işləmək əvəzinə binanın daxilində siqaret çəkib və bu hərəkəti ilə ətrafdakıları qəzəbləndirib.
İş yoldaşlarından biri xoşagəlməz iyə görə ona irad tutsa da, bunun heç bir xeyri olmayıb. Bundan əsəbiləşən digər həmkarı isə siqaret çəkən şəxsi 4-cü mərtəbədən lift şaxtasına itələyib.
Ağır xəsarət alan yaralı xəstəxanaya çatdırılsa da, həkimlərin səylərinə baxmayaraq, o, ertəsi gün dünyasını dəyişib.
Qatil həbs edilib.
Xuraman Etibarlı
İnterpress.az
