İspaniyanın “El Pais” qəzetinin analitiklərə istinadən verdiyi xəbərə görə, Almaniyanı dünyanın ən böyük iqtisadiyyatlarından birinə çevirən onilliklər boyu rifahı başa çatmaq üzrədir.
Bu barədə İnterpress.az xarici mediaya istinadən xəbər verir.
Beynəlxalq Valyuta Fondunun iyul ayında açıqladığı rəqəmlərə görə, Almaniyanın bu il böyüməmiş yeganə böyük iqtisadiyyat olacağı və ÜDM-nin 0,3 faiz azalacağı gözlənilir.
Jurnalist Volfqanq Munçaunun fikrincə, alman modeli xərclər üzrə rəqabətə davamlılıq, sənayedə texnoloji liderlik və geosiyasi sabitliyə əsaslanır və bunların hamısı yox olub. Bu vəziyyət Almaniyanı “Avropanın yeni xəstə adamı” edib.
Almaniyada dünyanın tamamilə dəyişdiyini qeyd edən Munchau deyib ki, hazırda ortaya çıxan enerji qiymət böhranı, yeni geosiyasi bölünmələr və modelin gələcəyi ilə bağlı ekzistensial suallar doğuran texnoloji şoklardır.
2000-ci illərin əvvəllərindən bu yana ölkə Çin kimi sürətlə inkişaf edən iqtisadiyyatların yüksək məşğulluq dərəcələri və xarici tələbat hesabına davamlı güclü artım yaşayıb.
İqtisadiyyatın əsas dayağı olan Almaniyanın istehsal sektoru 2003-cü ildən Rusiyadan gələn ucuz enerji və Şərqi Avropadan gələn ucuz işçi qüvvəsi sayəsində inkişaf edir.
“Almaniyanın ixrac və idxaldan daha da asılı olacağı gözlənilir, son iyirmi ildə uğur qazanmış sənayelər, yəni kimya və avtomobil sənayesi gələcəkdə eyni rolu oynamayacaq”, Klemens Fuest deyib.
