Kremlin təbliğatçısı Tiqran Keosayan klinik ölümlə üzləşib və komadadır.
İnterpress.az xəbər verir ki, bu barədə onun həyat yoldaşı, RT telekanalının baş redaktoru və təbliğatçı Marqarita Simonyan bildirib.
O deyib ki, rejissor və təbliğatçı Tiqran Keosayan klinik ölüm keçirib və komadadır.
“Sona qədər istəmədim bildirəm, amma jurnalistlər artıq zəng vurmağa başladığı üçün bunu özüm yazacam. Həyat yoldaşım Tiqran Keosayan klinik ölüm keçirdi və komadadır”, – Simonyan deyib.
Məlumata görə, Keosayan dekabrın sonunda xəstəxanaya yerləşdirilib. Həkimlər onun vəziyyətini son dərəcə ağır kimi qiymətləndirirlər. O, 2008 və 2010-cu illərdə iki dəfə infarkt keçirib.
Tiqran Keosayanın 59 yaşı var. 2016-cı ildən Rusiyanın NTV telekanalında “Beynəlxalq Sawmill” təbliğat proqramını aparır.
Rusiyanın Ukraynaya genişmiqyaslı müdaxiləsinə başlamasından sonra Aİ, Böyük Britaniya, Kanada və Avstraliya ona qarşı sanksiyalar tətbiq edib.
Xuraman Etibarlı
İnterpress.az
