Moskva polisinin iki əməkdaşı bir iş adamından 265 min dollar dəyərində bitkoin almaqda şübhəli bilinərək saxlanılıb, polis mənbələri yerli mediaya bildiriblər.
Bu barədə İnterpress.az xarici mediaya istinadən xəbər verir.
Rusiyanın RBK media qrupu iki polis əməkdaşına qarşı cinayət işi başlandığını bildirib. Külli miqdarda dələduzluqda ittiham olunan şəxsləri on ilədək həbs cəzası gözləyir. Mənbənin mətbuata verdiyi məlumata görə, cinayət axtarış şöbəsinin iki əməkdaşı iyulun 19-da küçədə bir nəfəri saxlayıb, qurbanının qollarını qandallayıb, telefonunu əlindən alıb və zorla maşına mindiriblər. Vasitədə olarkən, şübhəlilərin kripto investor olduğu ortaya çıxan adamı təhdid edərək, ödəmədiyi təqdirdə cinayət fəaliyyəti ilə bağlı cinayət məsuliyyətinə cəlb ediləcəyini iddia ediblər. Mənbənin sözlərinə görə, adı açıqlanmayan qurban polis əməkdaşlarının kripto pul kisələrinə 9,6 bitkoin (təxminən 265 min dollar) köçürüb. Bildirilib ki, təqsirli bilinən zabitlər polis orqanlarından xaric ediləcək və onları on il həbs cəzası gözləyir.
