Polşa Baş naziri bildirib ki, NATO-nun dağılması indiyə qədər olduğundan daha yaxındır.
İnterpress.az xəbər verir ki, Polşanın Baş naziri Donald Tusk NATO-nun gələcəyi ilə bağlı həyəcantəbilini çalıb.
Məlumata görə, Tusk bəyan edib ki, alyansın dağılması heç vaxt olmadığı qədər yaxındır.
Onun sözlərinə görə, əgər ABŞ Qrenlandiyaya hərbi müdaxilə edərsə, NATO-nun mövcudluğunun mənası itəcək.
Polşa lideri vurğulayıb ki, Danimarka bütün Avropanın həmrəyliyinə arxalana bilər:
“ABŞ anlamalıdır ki, NATO-nun təməllərini sarsıdan heç bir cəhd Avropa ölkələri tərəfindən anlayışla qarşılanmayacaq”.
Qeyd edək ki, daha əvvəl Danimarka Baş naziri Mette Frederiksen də oxşar mövqe nümayiş etdirib.
O bildirib ki, ABŞ NATO üzvü olan başqa bir ölkəyə hərbi yolla hücum edərsə, bu, həm də NATO-nun sonu olacaq.
Xuraman Etibarlı
İnterpress.az
