ABŞ Müdafiə Nazirliyi (Pentaqon) Ukraynaya silah yardımını ehtiva edən təcili əlavə büdcə qanun layihəsinin Konqres Nümayəndələr Palatasında tez bir zamanda qəbul edilməsini istəyib.
Bu barədə interpress.az xarici mediaya istinadən xəbər verir.
Pentaqonun mətbuat katibinin müavini Sabrina Sinq gündəlik mətbuat konfransında cari məsələləri dəyərləndirib.
Sinq, ABŞ Konqresinin Ukraynanın özünü müdafiə etməsi üçün təcili olaraq əlavə büdcə layihəsinin qəbul edilməsi lazım olduğunu ifadə edib: “Bunlar müttəfiqlərimizin və düşmənlərimizin bizi izlədiyi anlardır. Buna görə də bizə Nümayəndələr Palatasının keçən həftə Senatda qəbul edilmiş bu iki partiyalı əlavə büdcə qanun layihəsini qəbul etmək üçün işləməsinə ehtiyacımız var”.
2023-cü ilin dekabrında tələb olunan fövqəladə əlavə büdcə qanun layihəsi qəbul edilmədiyi üçün Ukrayna qüvvələrinin bəzi şəhərlərdən sursatlarından qənaətlə istifadə etmək üçün strateji olaraq geri çəkildiyini ifadə edən Sinq deyib: “Əgər fövqəladə büdcə qanun layihəsi qəbul edilməzsə, biz də geri çəkilməyəcəyik. Ukraynaya yardım göstərə bilər və onlar hansı şəhərləri saxlayacaqlarını seçməlidirlər”.
