Rusiya Federasiyası prezidenti Vladimir Putin NATO ilə savaş istəmir.
İnterpress.az xəbər verir ki, bu barədə ABŞ müdafiə naziri Lloyd Ostin bəyan edib.
Pentaqon rəhbəri Rusiyanın Polşaya raket zərbələri endirərək cəbhəni genişləndirməyi arzuladığına şübhə ilə yanaşıb. “Bu, onların istəmədiyi bir döyüş olardı”,-deyə amerikalı general söyləyib.
Lloyd Ostinin sözlərinə görə, əks təqdirdə konfrontasiya heç kimin təxmin edə bilmədiyi bir kateqoriyaya qədəm qoya və savaş başqa bir mərhələyə çevrilə bilər.
Bundan başqa Pentaqon rəhbəri Ukrayna liderlərini ABŞ-ın verdiyi silahları qorumağa çağırıb.
