Somalidə quraqlıq səbəbilə evini tərk edən ana Mamo Şəriifo su və yemək tapmaq üçün 13 gün ərzində 5 uşağı ilə düşərgəyə piyada getməli olub.
Bu barədə İnterpress.az xarici mediaya istinadən xəbər verir.
Ölkədəki quraqlıq səbəbiylə əkinçilik və heyvandarlıqdan əl çəkən və hər şeyini itirən ailələr, onları qəbul edən müvəqqəti düşərgələrə çatmaq üçün günlərlə davam edən uzun bir səyahətə çıxırlar.
Aşağı Şabel əyalətində yaşayan və quraqlıq səbəbindən təsərrüfatlarını və bütün məhsullarını itirən 50 yaşlı Şəriifo və ailəsi kənd yerlərindən şəhər düşərgələrinə qaçan yüz minlərlə insandan yalnız bir neçəsidir.
Paytaxt Moqadişu xaricindəki Taredisho düşərgəsində sona çatan çətin səyahətini AA müxbirinə izah edən Shariifo, səyahətə başladıqda yanlarında heç bir şey olmadığını söyləyib.
Düşərgəyə çatmaq üçün 5 övladı ilə 13 gün piyada getməli olduqlarını bildirən Şəriifo, pulu olan ailələrin ərzaq yardımı sayəsində uşaqlarını bölgəyə daşıya bildiklərini deyib.
