“Taliban”ın təşkilatçılığı ilə Əfqanıstanın yeni hökumətinin üzvləri yaxın bir neçə gündə açıqlanacaq. radikal qrup bu məsələdə ortaq rəyə gəlib.
Qrupun mədəniyyət komissiyasının üzvü Bilal Kərimi bildirib ki, Rəhbərlik Şurasına Heybətullah Axundzadə başçılıq edəcək və Axundzadənin üç müavini olacaq.
“Taliban”ın ikinci tanınmış siması Molla Əbdülqəni Bəradər, çox güman ki, həmin müavinlərdən biri olaraq görülür.
Bilal Kərimi əlavə edib:
“İslam Əmirliyinin liderləri arasında əvvəlki hökumətin rəhbərləri və digər nüfuzlu liderlərlə Əfqanıstanın inklüziv hökumətinin qurulması ilə bağlı məsləhətləşmələr rəsmi olaraq başa çatıb. Yaxın günlərdə hökumət üzvləri elan ediləcək”.
