“Toyota Motor” bildirdi ki, səhv bulud hesablama parametrləri səbəbindən Asiya və Okeaniya bölgələrində müştərilərin şəxsi məlumatları sızmış ola bilər.
Bu barədə İnterpress.az xarici mediaya istinadən xəbər verir.
Yapon avtomobil istehsalçısı olan “Toyota” şirkəti Asiya və Okeaniya bölgələrindəki bəzi müştərilərin şəxsi məlumatlarının sızmış ola biləcəyini açıqlayıb.
Yanlış bulud hesablama parametrlərinin səbəb olduğu problemin bir hissəsi olaraq, müəyyən edilməmiş sayda müştərinin adı, telefonu, ünvanı və şassi məlumatlarının sızdığı ehtimal edilir.
Açıqlamada qeyd edilib ki, indiyə qədər sızan müştəri məlumatlarından üçüncü tərəfin istifadəsinə dair heç bir dəlil yoxdur.
Mayın əvvəlində Yaponiya şirkəti 2 milyondan çox “Toyota” müştərisinin avtomobil məlumatlarının oxşar problemə görə ictimaiyyətə sızdığını açıqlayıb.
