ABŞ Rusiyanın Krım və digər ərazilər üzərindəki nəzarətini tanıya bilər.
İnterpress.az xəbər verir ki, bu barədə “The Telegraph” nəşri məlumat yayıb. Trampın xüsusi nümayəndələri Putinə “birbaşa” təklif etmək üçün Rusiyaya yollanıb.
Nəşrin iddiasına görə, ABŞ döyüş əməliyyatlarını dayandırmaq və saziş bağlamaq məqsədilə Rusiyanın Krım və Rusiya qoşunları tərəfindən tutulmuş digər ərazilər üzərindəki nəzarətini tanımağa hazırdır.
Bildirilir ki, məhz bu məqsədlə Donald Tramp öz xüsusi nümayəndəsi Stiv Uitkoffu Rusiyaya göndərib.
Məlumata əsasən, onunla birlikdə Trampın kürəkəni Cared Kuşner də səfərə çıxıb. Onların birlikdə Rusiya prezidenti Vladimir Putinə “birbaşa” təklif irəli sürəcəyi gözlənilir.
Xuraman Etibarlı
İnterpress.az
