Trampın antisemitizm planı ABŞ-də həyata keçirilməyə başlayıb.
İnterpress.az xəbər verir ki, bu barədə ABŞ prezidenti Donald Trampın antisemitizmlə mübarizə üzrə işçi qrupunun rəhbəri təyin etdiyi Leo Terrell bildirib.
O deyib ki, qarşıdakı həftələrdə Amerika prezidentinin ştatlarda antisemitizmlə mübarizə planını həyata keçirmək üçün “çox işlər görüləcək”.
Terrell İsrailin Channel 12 TV-yə verdiyi müsahibədə yuxarıda qeyd olunan planın mərhələlərini açıqlayıb:
- İlk addım universitet şəhərciklərində yəhudilərə qarşı nifrətlə mübarizə olacaq. İmtina edildiyi halda, ali məktəbləri maliyyə və büdcədən məhrum etmək məqsədi ilə onlara qarşı iddialar qaldırılacaq;
- İkinci addım universitetlərdən yəhudi tələbələr üçün daha əhatəli müdafiənin təmin edilməsini tələb edən məhkəmə qərarlarını əldə etmək üçün onlara qarşı iddialar qaldırmaqdır;
- Digər bir tədbir antisemit nümayişlərdə fəal iştirak edən tələbələrin vizalarının ləğvi olacaq.
Xuraman Etibarlı
İnterpress.az
