İtaliyanın Venesiya şəhərinə gündəlik turist axınına nəzarət etmək üçün şəhərə gələn gündəlik turistlərdən giriş haqqı alınacaq.
Bu barədə İnterpress.az xarici mediaya istinadən xəbər verir.
Venesiya Bələdiyyəsi tərəfindən edilən yazılı açıqlamaya görə, Venesiya Bələdiyyə Şurası bələdiyyə rəhbərliyinin şəhərə gündəlik gələn turistlərdən giriş haqqının alınması ilə bağlı irəli sürdüyü qərarı səs çoxluğu ilə təsdiqləyib.
Buna görə, gündəlik turistlərdən 5 avroluq giriş haqqı ödəmələrinin istəniləcəyi tətbiqin, turist sıxlığının artdığı 2024-cü ilin yazında qüvvəyə minməsi gözlənilir.
Bələdiyyə məclisi tərəfindən müəyyən ediləcək təqvimə uyğun olaraq, 2024-cü ildə məşğul olacağı gözlənilən 30 ayrı gündə gündəlik turistlərdən giriş haqqı alınacaq.
Venesiya Bələdiyyəsinin hüdudları daxilindəki obyektlərdə qalanlar, Venesiyanın yerləşdiyi Veneto Bölgəsində yaşayanlar, 14 yaşından kiçik uşaqlar, qayğıya ehtiyacı olanlar, idman yarışlarında iştirak edənlər və səyahət edən lisey şagirdləri güzəştdən azad olunacaqlar.
Bildirilib ki, bu qərarın qəbul edilməsində məqsəd şəhərin həssas strukturuna uyğun olaraq müəyyən dövrlərdə gündəlik turizmin qarşısını almaqdır. Venesiya Bələdiyyə Başçısı Luici Brugnaro, şəhər şurası tərəfindən qəbul edilən qərardan sonra verdiyi açıqlamada, bunun həddindən artıq turist sıxlığı üçün tənzimləyici bir addım olduğunu müdafiə edib və deyib: “Şəhəri kütləvi turizmdən qoruyacaq bir sistem tapmağa çalışmalıyıq. İlin müəyyən günlərində yaşamaq mümkün olmayan şəhər. Böyük bir təvazökarlıqla sınaqdan keçirəcəyik, hər kəsi sınayacağıq. Heç bir zərər verməməyə çalışacağıq”.
Qərarı dəstəkləyən dairələr olsa da, bəziləri bu qərarın Venesiyanın açıq səma altında muzey və ya oyun meydançası kimi bir şeyə çevriləcəyinə öz reaksiyalarını bildirdilər. Əvvəlki illərdə Venesiyada oxşar təcrübələr gündəmə gətirilsə də, COVID-19 epidemiyası kimi müxtəlif səbəblərdən bu təcrübə həyata keçirilmədi. Kanallar üzərində qurulmuş tarixi quruluşu ilə Venesiya hər il milyonlarla turisti qəbul edir.
