Türkiyədə FETÖ-yə qarşı böyük əməliyyat keçirilib.
İnterpress.az xəbər verir ki, bu barədə Daxili İşlər Nazirliyinin rəhbəri Ali Yerlikaya məlumat verib.
Türkiyənin 66 vilayətində FETÖ ilə əlaqədə şübhəli bilinən 459 nəfər saxlanılıb.
“FETÖ liderinin ölümündən sonra da rahatlaşmayacağıq. Bu məkrli təşkilatı tamamilə məhv edənə qədər mübarizə aparacağıq”, – o deyib.
2016-cı il iyulun 15-də Türkiyədə dövlət çevrilişi cəhdini təşkil edən Fətullah Gülənin rəhbərlik etdiyi FETÖ hərəkatı Körfəz ölkələri, Pakistan və Türkiyənin özündə terror təşkilatı kimi tanınır.
Xuraman Etibarlı
İnterpress.az
