Ümumdünya Səhiyyə Təşkilatının Fövqəladə Hallar Komitəsi poliomielit epidemiyası riskinin davam etdiyini əsas gətirərək Pakistana səyahət məhdudiyyətini 3 ay müddətinə uzadıb.
Bu barədə İnterpress.az xarici mediaya istinadən xəbər verir.
Pakistanda poliomielit xəstəliyinin yayılma riskinin beynəlxalq narahatlığa səbəb olan ictimai sağlamlıq fövqəladə vəziyyəti təşkil etdiyini bildirən ÜST, səyahət məhdudiyyətini 3 ay müddətinə uzatmağa qərar verib.
ÜST bəyan edib ki, ölkənin şimal-qərbindəki Hayber Paxtunxva əyalətində 160 mindən çox uşaq peyvənd olunsa da, ölkədəki peyvənd boykotları və təhlükəsizlik narahatlıqları səbəbindən risk qalmaqdadır.
Ölkədə WPV1 tipli poliomielit hadisələrinin sayının 2023-cü ildə 2-yə yüksəldiyi vurğulanıb.
1994-cü ildə başlanan poliomielitlə mübarizə kampaniyasının bir hissəsi olaraq, Pakistan 2017-ci ildə xəstələrin sayını 20 mindən 8-ə endirdi. 2017-ci ildən sonra poliomielit hallarının artdığı Pakistanda 2018-ci ildə 12, 2019-cu ildə 147, 2020-ci ildə isə 84 hadisə aşkarlanıb.
Ötən il ölkədə 20 hadisə baş verib.
