Bunu Modern.az saytına açıqlamasında “AzerRos” Rusiya Azərbaycanlıları Milli-Mədəni Muxtariyyətinin prezidenti Mehriban Sadıxova deyib.
Mehriban Sadıxovanın sözlərinə görə, Söyün Sadıqov çoxdandır ki “AzerRos”a gəlmir.
“Söyün Sadıqovu bir ildən artıqdır ki, görmürəm. O, “AzerRos”a gəlib-getmir. Düzü, “erməni soyqrımı” məsələsi ilə bağlı onun adının həmin sənədi dəstəkləyənlər arasında olduğunu oxuyanda təəccübləndim. Eyni zamanda, Söyün Sadıqov fiziki şəxsdir. Bir çox tədbirlərdə, məclislərdə iştirak edir. Yenə deyirəm, Söyün Sadıqovun “AzerRos”la əlaqəsi yoxdur. “AzerRos”un heç bir tədbirində iştirak etmir”.
Qeyd edək ki, “AzerRos” Rusiya Azərbaycanlıları Milli-Mədəni Muxtariyyətinin təsisçilərindən olan Söyün Sadıqovun adı “erməni soyqırımı” adlı sənədin inkar edilməsinə görə cinayət məsuliyyətini nəzərdə tutan qanun layihəsinin dəstəklənməsində çəkilir. Moskvada fəaliyyət göstərən Azərbaycan diasporunun bəzi rəhbəriləri də Rusiya Dövlət Dumasına çıxarılmış həmin sənədi dəstəkləyib.
İnterpress.az
