TOVUZ
Saat: 10:00 VHP-nın Tovuz rayon Təşkilatının üzvləri qanlı yanvar günü Tovuzdakı Şəhidlər Xiyabanını ziyarət ediblər. Təşkilatın sədri Nəsimi Tovuzlu ziyarət zamanı çıxış edərək xalqımızın azadlıq mücadiləsindən bəhs edib. 1988-ci ildən başlanan Azadlıq hərəkatından, Sovet imperiyasına qarşı mücadiləsindən bəhs edib. 20 yanvar hadisələrinin ölməkdə olan, son nəfəsini yaşayan imperiyanın son anda da qara niyyətindən əl çəkmədiyini, ölkəmizə qarşı qəddarlıq nümayiş etdirdiyini də qeyd edib.
Qeyd etdi ki 20 yanvar günü ümümxalq hüzn günü olmaqla ynaşı həm də xalqımızın qürur və şərəf günüdür.
SUMQAYIT
Saat: 11:00 Vətəndaş Həmrəyliyi Partiyasının (VHP) Sumqayıt şəhət təşkilatının bir qrup üzvü Sumqayıt Şəhidlər Xiyabanını ziyarət ediblər.
VHP sədrinin müavini Yusif Salmansoy çıxış edərək, 1988-ci ildən başlanan xalq hərəkatından, Azərbaycan xalqının Sovet imperiyasına qarşı mübarizəsindən və 20 Yanvar şəhidlərinin qəhrəmanlıq və şücaətindən danışıb. Bildirib ki, bu gün ümumxalq hüzn günü ilə bərabər, həm də şərəf və qürur günüdür.
VHP Sumqayıt şəhər təşkilatı sədri Elmar Sadıqlı da çıxışında Azərbaycanın dövlətçilik tarixinin şanlı səhifəsi olan 20 Yanvar hadisələrindən danışıb.
DAŞKƏSƏN
Saat: 12:30 Bu gün Vətəndaş Həmrəyliyi Partiyası (VHP) Daşkəsən rayon təşkilatının üzvləri 20 Yanvar şəhidlərini yad edib.
VHP-çilər Daşkəsən Şəhidlər Xiyabanını ziyarət edib, şəhidlərin ruhuna dua oxuyub, məzarların üzərinə qərənfillər düzüblər.
Rayon təşkilatının sədri Nəsimi Qafarov mərasimdə çıxış edib, Azərbaycanın azadlığı üçün canından keçən insanlardan danışıb, o dövrlə bağlı şahidi olduqları hadisələrdən danışıb, xatirələrini bölüşüb.
AĞSU
Saat: 14:30 VHP Ağsu rayon təşkilatının üzvləri də 20 Yanvar faciəsinin 26-cı ildönümünü yad ediblər. Onlar Azərbaycanın azadlığı və müstəqilliyi uğrunda canlarından keçmiş şəhidləri xatirəsini anmaq üçün Ağsu rayonundakı Şəhidlər xiyabanını ziyarət ediblər.
VHP Ağsu rayon təşkilatının sədri Tahir Əzimov çıxışında 20 Yanvar gününün müstəqillik tariximizdəki rolundan danışıb. O bildirib ki, 20 Yanvar şəhidlərini yad etmək hər bir Azərbaycan vətəndaşının mənəvi borcudur.
QUSAR
Saat: 16:00 Vətəndaş Həmrəyliyi Partiyasının (VHP) Qusar rayon təşkilatı 20 Yanvar şəhidlərini anmaq üçün Qusar Şəhidlər Xiyabanını ziyarət ediblər.
VHP Qusar rayon təşkilatının sədri, prof. Həsənbala Məmmədov mərasimdə çıxış edib, 20 Yanvar şəhidləri, bu şəhidliyin Azərbaycan tarixində yeri və rolu, şəhidlərin arzularının çin olduğu və ölkəmizin müstəqilliyə qovuşduğu barədə danışıb.
ŞİRVAN
Saat: 18:00 Bu gün günün sonunda VHP Şirvan şəhər təşkilatının üzvləri də 20 Yanvar faciəsinin 26-cı ildönümünü yad ediblər. Onlar Azərbaycanın azadlığı və müstəqilliyi uğrunda canlarından keçmiş şəhidləri xatirəsini anmaq üçün Şirvan şəhərindəki Şəhidlər xiyabanını ziyarət ediblər.
VHP Şirvan şəhər təşkilatının sədri Aqil Vəliyev çıxış edərək, 20 Yanvarın Azərbaycanın müstəqillik və azadlıq tarixindəki rolu və əhəmiyyətindən danışıb.
İnterpress.az
