Avropa Təhlükəsizlik və Əməkdaşlıq Təşkilatının (ATƏT) Parlament Assambleyasının (PA) prezidenti İlkka Kanervanın bu gün Azərbaycana planlaşdırılan səfəri təxirə salınıb.
ANS PRESS-in məlumatına görə, onun yerinə Azərbaycanа müavini səfərə gələcək. Kanervanın səfərinin hansı səbəbdən təxirə düşdüyü məlum deyil.
ATƏT PA sədri İlkka Kanervanın Azərbaycana baş tutacağı səfəri barədə jurnalistlərə Milli Məclisin vitse-spikeri Bahar Muradova məlumat verib.
B.Muradova bildirib ki, İ.Kanerva səfəri çərçivəsində Azərbaycan Parlamentində və digər rəsmi orqanlarda yüksək səviyyəli görüşlər keçirəcək: \”Bu, Azərbaycana Dağlıq Qarabağ münaqişəsinin həlli və digər məsələlərlə bağlı mövqeyini çatdırması baxımından gözəl imkan olacaq\”.
İlkka Kanerva 2014-cü ilin iyul ayının 2-də ATƏT Parlament Assambleyasının (PA) Bakıda keçirilən 23-cü sessiyasının sonuncu günü bu vəzifəyə seçilib.
İ.Kanerva ona göstərilən etimada görə təşəkkür edib və bu etimadı doğruldacağını söyləyib.
İnterpress.az