Bakının Yasamal rayonunda bıçaqlanma hadisəsi baş verib.
hadisə rayonun Şərizadə küçəsində İnşaatçılar metrosunun yaxınlığında baş verib.
38 yaşlı Anar Arzuman oğlu Müseyibov tanımadığı şəxslər tərəfindən bıçaqlanıb. Yaralı hadisə şahidlərinin çağırdığı təcili tibbi yardım avtomobili ilə xəstəxanaya çatdırılıb.
Anar Müseyibov dərhal əməliyyat olunub. Həkimlər onun həyatı üçün təhlükə olmadığını bildiriblər. Xəstəxanadan hadisə barədə Yasamal rayon Polis İdarəsinin 29-cu polis bölməsinə məlumat verilib. Polis hadisəni törədən şəxsin müəyyənləşdirilməsi istiqamətində iş aparır.
Faktla əlaqədar cinayət işi başlanıb. Araşdırmalar davam edir.
İnterpress.az
