Fevralın 4-də metronun \”Ulduz\” stansiyası yaxınlığında yerləşən Keşlə Maşınqayırma Zavoduna məxsus pansionatın həyətində söküntü işləri başlanıb. Hələlik obyektlər və qarajlar sökülür.
Hadisə yerində olan Meydan TV əməkdaşının məlumatına görə, \”Azəryolservis\” Açıq Səhmdar Cəmiyyəti ərazidə yol çəkdiyini bəyan edib. Bu məqsədlə sanatoriyada yaşayan köçkünlər məcburi şəkildə binadan çıxarılır.
1992-ci ildən pansionatda məskunlaşan köçkünlər isə binanı boşaltmaq istəmir və təklif olunan kompensasiya ilə razılaşmırlar.
\”30 min manata ev almaq olar? Bu qışın günü hara gedək?\” – deyən sakinlər bildirirlər ki, onları mənzildən çıxararkən zor tətbiq edilib, hətta qadınlara əl qaldırıblar.
