Bu rəsmləri gənc rəssam Elnur Şirinov çəkib. O, kofe ilə rəsm əsərləri çəkən bəlkə də ilk azərbaycanlıdır.
Tanınmış müğənni Elza Seyidcahanın da kofe ilə rəsmini hazırlayıb.
Elza Seyidcahanın İnterpress.az-a bu barədə danışarkən gənc rəssamın istedadını xüsusilə vurğulayıb: “Ona dedim ki, əllərindən öpürəm. Doğrudan da çox xoşbəxtəm ki, Allahın mənə bəxş etdiyi gözəllikdən ilhamlanaraq bu gənc rəssam belə gözəl sənət əsəri yaradıb”.
E.Seyidcahan deyir ki, onun portretini indiyə qədər sulu boya ilə kətan üzərinə çəkiblər, kömür ilə, neft ilə, qum, hətta öz qanları ilə çəkənlər olub, amma kofe ilə rəsmi ilk dəfədir.
