Kimliyi məlum olmayan şəxsin “Günəşli” faciəsində itkin düşən neftçilərdən biri olduğu ehtimal edilir.
“Azneft” İstehsalat Birliyidən (İB) bildirilib ki, meyiti tapılan şəxsin itkin düşən neftçi olması variantı istisna deyil.
Qurumdan verilən məlumata görə, meyit tanınmaz halda olduğundan onun kimliyini müəyyənləşdirmək üçün tibbi ekspertizadan keçiriləcək.
“Meyiti tapılan şəxsin üzərində hər-hansı geyim olmadığı üçün kimliyi müəyyən edilməyib. Hazırda bununla bağlı ekspertiza aparılır”.
İtkin düşən neftçilərin axtarışına gəlincə, hazırda Dövlət Sərhəd Xidmətinin (DSX) 2 gəmisinin axtarış apardığı bildirilib.
*** ***
Xəzər sahilində naməlum kişi meyiti tapılıb
Neftçala rayonunda naməlum kişi meyiti tapılıb.
50-55 yaşlarında kişi meyiti ötən gecə Xəzər sahilində aşkarlanıb.
Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Neftçala rayon şöbəsinə gətirilən meyitin tanınmaz halda olduğu açıqlanıb.
Hazırda meyitin kimliyi araşdırılır.
Meyitin sahildə olan balıqçılar tərəfindən aşkarlandığı bildirilir.
İnterpress.az
