Giləmeyvəli kremli blinçik
Tərkib:
2 st un
2,5 st süd
2-3 ədəd yumurta
½ x.q şəkər tozu
5 qr vanil
Bitki yağı
İçlik üçün:
2 x.q. şəkər tozu
200 qr kəsmik
1 x.q. xama
20 qr şokolad
5-6 ədəd albalı (tumsuz)
5-6 ədəd garagilə
3-4 ədəd çiyələk
Üzəri üçün:
Şokolad siropu
Şəkər kirşanı
Xəmirin hazırlanması:
Yumurta və şəkər tozu mikserlə çırpılır. Üzərinə vanil, süd və tədricən un əlavə olunub mikserlə təkrar çalınır. Dibi yapışmayan tava yaxşıca isidilib yağlanır. Tavaya sıyıq xəmirdən bir çömçə tökülüb iki tərəfli qızardılır.
İçliyin hazırlanması:
Şokolad sürtgəcdən keçirilir. Giləmeyvələr xırda doğranır. Kəsmiyin üzərinə şəkər tozu və xama əlavə edilib mikserlə qarışdırılır. Qarışığa bir qədər şokolad ovuntusu, giləmeyvələr əlavə olunub qarışdırılır. Hazır blinçikdən biri götürülüb içərisinə 1 x.q. içlik qoyulub bükülür. İçlikli blinçik şokolad siropu ilə bəzədilir, üzərinə şəkər kirşanı səpilib giləmeyvələrlə servis edilir.
Səidə Mustafayeva
İnterpress.az
