“Fareast Gizmos” portalı yazır ki, “mini-STX” və ya “mini-Socket Technology Extended” form-faktoru yalnız sistem lövhəsinin ölçülərinin yığcam olmasını deyil, həmçinin onun müasir prosessorlarla birgə istifadə imkanını nəzərdə tutur. Belə ki, 5×5 düym və ya 12.5×12.5 sm standart ölçülü sistem lövhəsi “Intel LGA 1151” konnektoru ilə təchiz edilə bilər ki, nəticədə ona “Intel” şirkətinin bütün müasir masaüstü prosessorları quraşdırıla bilər. Orta sinfə məxsus tam ölçülü sistem bloku səviyyəsində məhsuldarlığı təmin edən “ASRock DeskMini” kompüteri işçi masada az yer tutur, həmçinin sözügedən qurğunun sahibləri ona yeni prosessor quraşdıra və əməli yaddaşın tutumunu artıra bilərlər. Bundan başqa, yeni kompüterin korpusunda 2.5 düym form faktorda sərt disk və ya sərtgövdəli daşıyıcı üçün montaj paneli var.(Teleqraf.com)
İnterpress.az
