Hazırda Tərtər rayonunda nisbi sakitlik hökm sürür. Bu barədə ANS PRESS-in bölgə müxbiri xəbər verir.
Ermənistan silahlı bölmələrinin atdığı artilleriya mərmiləri taxıl sahələrinə düşüb.
Azərbaycan Ordusu qarşı tərəfin döyüş mövqelərinə cavab zərbələri endirib.
***
Müdafiə Nazirliyindən verilən məlumata görə, mayın 13-ü saat 18.20 radələrindən etibarən Ermənistan silahlı bölmələri tərəfindən Tərtər rayonunun Qəzyan kəndinin ərazisi 120 millimetrlik minaatanlardan atəşə tutulmağa başlayıb.
Silahlı Qüvvələrimizin bölmələri tərəfindən əməliyyat şəraitinə uyğun tədbirlər həyata keçirilir, düşmənin atəş nöqtələrinə cavab zərbələri endirilir.
Bu cür təxribatların nəticəsi olaraq gələcəkdə baş verə biləcək hadisələrə görə bütün məsuliyyət Ermənistanın kriminal hərbi-siyasi rejiminin üzərinə düşür.
İnterpress.az
