AzVision.az xəbər verir ki, bunu Bakı Şəhəri üzrə Təhsil İdarəsinin ümumtəhsil sektorunun müdiri Avaz Yusifov deyib. O qeyd edib ki, elə həmin sayda uşaq da bu qruplara qəbul olunub: “2011-ci il təvəllüdlü, 5 yaşı bu il tamam olmuş uşaqlar məktəbəqədər hazırlıq qruplarına cəlb olunub. 5 yaşlıların təhsili həmişə məktəbəqədər təhsil müəssisələrində, məktəbəhazırlıq qruplarında həyata keçirilir. Bundan əvvəlki iki tədris ilində simvolik olaraq ödənişli əsaslarla (hər bir uşağa görə 40 manat) məktəbəhazırlıq qrupları təşkil olunurdu. Hazırda dövlət ümumtəhsil müəssisələrində də 2016-2017-ci dərs ilindən bu qrupların təşkilinə start verilib”.
A.Yusifov vurğulayıb ki, 2019-cu ilə qədər Azərbaycanda ümumtəhsil müəssisələrində məktəbəhazırlıq qruplarına cəlb olunan uşaqların sayı 90 faizə çatdırılmalıdır: “Bu il üçün bu göstəricinin 55 faizə çatdırılmasının nəzərdə tutulduğunu deyən sektor müdiri əlavə edib ki, bu, Bakı şəhəri üzrə 20 422 uşaq deməkdir. Bundan əlavə, məktəbəqədər təhsil müəssisələrində məktəbəhazırlıq qruplarının təşkili davam etdirilir. Qruplarda dərs deyəcək müəllimlər adi ibtidai sinif müəllimlərinin aldığı maaşı alacaq. Yəni, bir müəllim üçün bir stavka 18 saat hesablandığı halda, qrupda həftədə 4 gün 3 saat olmaqla, yekunda 12 saatlıq tədris planları olacaq. Müəllim də buna uyğun 12 saatlıq dərsin pulunu alacaq”.
Bakı Şəhəri üzrə Təhsil İdarəsinin rəsmisi bəzi məktəblərdə məktəbəhazırlıq qruplarının təşkilinin dayandırılmasına münasibət bildirib. O qeyd edib ki, qruplara kifayət qədər uşaq yığa bilməyən məktəblərdə proses dayandırılıb: \”Çünki qruplarda uşaqların minimum sayı 15, maksimum isə 30-dur. Kənd yerlərində isə yerli təhsil idarəetmə orqanları ilə razılaşdırmaqla 10-15 uşaqdan ibarət məktəbəhazırlıq qrupları təşkil etmək olar\”.
Onun sözərinə görə, bəzi məktəblərin resursları, yəni sinif otaqları çatmadıqlarına görə orada belə qrupların təşkil olunması qeyri-mümkündür: \”Bəzi məktəblərdə isə uşaqların sayı az olduğuna görə orada hazırlıq qruplarının təşkili dayandırılıb\”.
İnterpress.az
