QAT-ın Mətbuat Xidmətindən verilən məlumata görə, Akif Nağı onları nə üçün dəvət etdiklərini bilmədiyini deyib: “Dəvətin məqsədinin nə olduğu məlum deyil. Dekabrın 10-da axşam QAT üzvləri həmin bölməyə gətirilib, gecədən keçənə qədər onları orada saxlayıb, izahat alıb, sonra sərbəst buraxıblar. Bizi həbs eləmək üçün, ya başqa məqsədlə çağırıblar bilmirik. Biz bu yolda döyülməyə, tutulmağa, hər şeyə hazırıq və bizi yolumuzdan heç nə döndərə bilməz. Nəyin bahasına olursa olsun, ermənilərin məkrli siyasətinin həyata keçirilməsinə, ermənilərlə qardaşlaşma siyasətinə, xəyanət yoluna imkan verməyəcəyik. Nə qədər ki, torpaqlarımız işğal altındadır, “xalq diplomatiyası” oyunlarına, sosoların, filiplərin, avetyanların səfərlərinə imkan verməyəcəyik. Bizi tutsunlar, öldürsünlər, işimizi digər QAT-çılar, vətənpərvərlər davam etdirəcəklər”.
İnterpress.az
