Maştağada tarixi məscid məhv olur – VİDEObackend

Maştağada tarixi məscid məhv olur – VİDEO

  • whatsapp
  • messenger
  • telegram
  • vkontakte
  • odnoklassniki

İnterpress.az BakiPost.az-a istinadən xəbər verir ki, 1836-cı ildə tikilmiş və dövlət tərəfindən qorunan məscidin tavanı tökülüb, divarları isə nəmişlikdən çökmək üzrədir. Məscidin axundu abidənin divarlarının nəm çəkməsinə səbəb kimi tikiliyə qaz verilmədiyini göstərib. O, fevral ayından Bakı fəhləsi küçəsinə verilən qazın təzyiqinin sıfıra endirildiyini deyib: \”Balaca məsciddir. Qaz gəlsə, istilik təmin olunar və belə bərbad vəziyyət yaranmaz. Xalçalar da görürsünüz, bərbad gündədir. Aidiyyəti qurumlara şikayət etmişik, nə qədər demək olar? Deyirlər ki, təmir gedir. Nə qədər təmir olar? Yanvarda camaatın şikayəti artdı, qaz verdilər, sevindik. 1 həftə sonra yenə qazın təzyiqini azaltdılar. İndi sıfırdır. Fevral ayından qaz yoxdur. Kimdə motor var, onun qazı gəlir. Kimin ki yoxdur, o qalır soyuqda. Biz hansının pulunu ödəyək? Motor qoşulanda işıq da pul yazır. Biz qaz pulunu ödəyək, yoxsa, işıq pulunu?”

Maştağada tarixi məscid məhv olur - VİDEO

Məlumat üçün bildirək ki, \”Hacı Əziz” məscidi XIX əsrdə Hacı Əziz tərəfindən tikilib. Məscidin sahəsi 41 m2 təşkil edir və burada eyni vaxtda 35 nəfər ibadət edə bilər.

İnterpress.az