Hadisə Nərimanov rayonunda 45 saylı orta məktəbdə baş verib.
İnterpress.az xəbər verir ki, sözü gedən məktəbin direktor müavini Nərgiz Həsənova AzNews.az-a açıqlamasında hadisənin ötən həftə baş verdiyini qeyd edib:
“1-ci sinif şagirdi Abdulla Herakiyeva məktəbin dəhlizində qaçdığı yerdə başqa bir şagirdlə baş-başa dəyib və xəsarət alıb. Həmin vaxt şagird təcili yardımla xəstəxanaya aparılıb. O, xəstəxanada olanda həkimlər hadisə ilə bağlı hüquq-mühafizə orqanlarına məlumat verib. Polislər məktəbə gəlib hadisəni araşdırdı.”
Nərgiz Həsənova şagirdin valideyinin məsələ ilə bağlı şikayətçi olmadığını deyib.
İnterpress.az
