“Milli Net”də iştirak üçün mükafatın veb-saytı olan millinet.az-da “qeydiyyat” bölməsinə daxil olmaqla, sorğunu doldurmaq lazımdır.
Təqdim olunan İnternet resursları və İnternet layihələri kontent, dizayn və texnoloji istiqamətlər üzrə peşəkarlardan və mütəxəssislərdən ibarət Münsiflər Heyəti tərəfindən dəyərləndirilir.
Müsabiqədə qalib gələn saytlar bir-birindən dəyərli müxtəlif hədiyələr və “Milli Net” müsabiqəsinin simvolu olan hörümçək toru əks edilmiş buta ilə təltif ediləcəklər.
“Milli Net” mükafatının təsisçisi olan AİF-in prezidenti Osman Gündüz Milli İnternet Mükafatının əsas məqsədi barədə məlumat verib:
“Artıq 9-cu “Milli Net” mükafatının təqdimetmə mərasiminə hazırlaşırıq. Bu mükafatın təsis olunmasında məqsədimiz Azərbaycan İnternetinin inkişafına və genişləndirilməsinə xidmət etmək, ən yaxşı milli internet resurslarının ölkədə və dünyada geniş istifadəçi auditoriyasında təbliğini aparmaq, İnformasiya texnologiyalarının populyarlaşmasına dəstək vermək, Azərbaycan dilinin İnternetdə tətbiqini genişləndirməkdir”.
Milli İnternet Mükafatı Azərbaycan İnternet Forumu (AİF) tərəfindən təsis edilən peşəkar internet mükafatıdır. Bu mükafat hər il sosial, mədəni, elmi, iqtisadi, hüquqi və s. sahələrdə fəaliyyət göstərən, Azərbaycan dilində tərtib olunan və fəaliyyət göstərən milli internet resurslarına və internet layihələrinə müsabiqə üsulu ilə təqdim edilir.
Qeyd edək ki, Milli İnternet Mükafatının ənənəvi yekun təqdimat mərasiminin dekabrın sonlarında keçirilməsi nəzərdə tutulub.
Milli İnternet Mükafatına Nəqliyyat, Rabitə və Yüksək Texnologiyalar Nazirliyi rəsmi dəstək verir.
MilliNet-in Baş sponsoru Azertelecom şirkətidir
Müsabiqəyə LENOVO, BestComp, İnnovasiyalar Mərkəzi, NOVA, NEURON və Yello şirkətləri də dəstək verirlər.
İnterpress.az
