Yığıncağı açıq elan edən VHP Qəbələr rayon gənclər şöbəsinin sədri, “Qızıl Alma Milliyyətçi Dərnəyi”-nin başqanı İbrahim Türk çıxışında Rəsulzadə və Azərbaycan dövlətçilik tarixi mövzusunda məruzə etmişdir. O, bildirib ki, Rəsulzadə şərqdə ilk respublikasın əsasını qoyaraq bir ilkə imza atdı: “ Öz tərəfdarları ilə birgə Azərbaycan dövlətçiliyi üçünn həyatlarını fəda etdilər. Bu gün də onların bizə qoyub getdikləri ideologiya bizim üçün işıqdır və Xalq Cümhuriyyətinin özülü bizə müqəddəs dəyərdir. Bu günkü Respublika da Xalq Cümhuriyyətinin idarəçilik və ideoloji prinsipinə əsaslanmalıdır və o yolu davam edirdməlidir”.
Toplantıda iştirak edən VHP Qəbələ rayon təşkilatı sədrinin birinci müavini İbrahim Dostuxan çıxışında bildirib ki, Məhəmməd Əmin Rəsulzadə bizə Azərbaycanı qoyub getdi, özündən sonra Azərbaycanı yaşatdı: “ Bu tarixi yazan şəxsiyyət bütün ömrünü, azadlığını, ailəsini Azərbaycan üçün qurban verdi, qurban verdi ki, bu ərazidə yaşayan millət gələcəkdə dövlətlərinin olması ilə fəxr edən azsaylı millətlərdən biri ola bilsinlər. Yer kürəsində minlərlə millət var, onlardan yalnız 200-dən çoxunun dövləti var. Məhəmməd Əmin Rəsulzadənin sayəsində biz həmin o dövləti ilə fəxr edən millətlərdən biri ola bilmişik. Yaşasın Məhəmməd Əmin Rəsulzadəni qəlbində yaşayan Azərbaycan xalqının nümayəndələri. Yaşasın Rəsulzadənin ideyaları. Və şübhəsizdir ki, bir gün həqiqət parıldayacaq”.
Tədbirin sonunda Suriydakı Türkməndağı bölgəsində Rus-Fars və Əsəd rejmi kooalisyasına qarşi döyüşən Bayır Bucağ Türkmənlərinin vəziyyəti barədə İbrahim Türkün məlumatı dinlənilmişdir. Bildirilmişdir ki, bu gün türkman soydaşlarımızın durumu bu gün çox acınacaqlıdır. İraqda İŞİD qruplaşması və Suriyada da Əsəd rejimi tərəfindən ən çox əziyyət çəkən onlardır.
Qeyd edək ki, VHP-nin Bərdə, Goranboy və Tovuz rayon təşkilatları da Azərbaycan Xalq Cümhuriyyətinin qurucu lideri M.Rəsulzadənin anadan olmasının 132 il dönümü ilə bağlı anım tədbi keçiriblər.
İnterpress.az
