İnterpress.az-ın Türkiyə mətbuatına istinadən verdiyi xəbərə görə, Tuncelidə Munzur Vadisi içərisində yerləşən Bali dərəsində təhlükəsizlik qüvvələrinin təşkil etdiyi əməliyyatda, PKK-nın xəstəxana kimi istifadə etdiyi mağara tapılıb.
Əməliyyat zamanı həmçinin terrorçulara aid xeyli silah-sursat, partlayıcı maddə tapılıb.
16-17 fevralda baş tutan əməliyyat zamanı Bali dərəsində, yerləşən və tamamilə qayalıqlar ilə əhatə olunan bu mağara kənardan baxanların diqqətini o qədər də cəlb etmir.
Havanın mənfi 5 dərəcə olduğu sahədə yarım metr yüksəklikdə suyun içində irəliləyən qruplar, PKK sığınacağına girərək içəridə araşdırma aparıblar. Araşdırma zamanı bəlli olub ki, mağara bir neçə bölmədən ibarətdir. Mağarada tibbi cihaz, dərman, yara və kəsiklərdə istifadə edilən vəsaitlər, mağaranın yanındakı bir başqa kiçik mağarada isə sursatlıq və ərzaq anbarı olaraq istifadə edilən bir bölümün də olduğunu təsbit ediblər. PKK-nın xəstəxana olaraq istifadə mağarada, çox sayda tibbi vəsait, bir ədəd diş modulu, səyyar diş rentgen cihazı ilə diş müalicəsi üçün istifadə edilən bol miqdarda alət və vəsait ələ keçirilib.
https://youtube.com/watch?v=po-oMe69x5U
