Mərakeş sahil mühafizəçiləri ölkənin cənubundakı Daxla əyalətinin sahillərində quruya çıxan qayıqdan 130 seneqallı qeyri-qanuni miqrantı xilas ediblər.
Bu barədə İnterpress.az xarici mediaya istinadən xəbər verir.
Dünən sahilə çıxan sözügedən qayığın yerini sahil təhlükəsizlik qüvvələrinin təyin etdiyi bildirilib.
Seneqaldan olan 130 qeyri-qanuni immiqrantın gəmidə xilas edildiyi qeyd olunub, adı çəkilən mühacirlərin məhkəmə prosesinin tamamlanması üçün səlahiyyətlilərə təhvil verildiyi ifadə edilib.
Xəbərdə sözügedən qayığın İspaniyanın nəzarətindəki Kanar adalarına getmək üçün Seneqalın Thies şəhərindən yola düşdüyü bildirilib.
Mərakeş Daxili İşlər Nazirliyi iyun ayında verdiyi açıqlamada ilin ilk 5 ayında 25 519 qeyri-qanuni miqrasiya cəhdinin qarşısı alındığını və 3 150 qeyri-qanuni miqrantın xilas edildiyini açıqlamışdı.
Mərakeş Avropa sahillərinə yaxın coğrafi mövqeyinə görə qeyri-qanuni miqrantların sıx tranzit məntəqəsi kimi istifadə etdiyi bölgələr arasındadır.
