Nigerdə davam edən zorakılıqlar ölkə daxilində daha 20 min insanı didərgin salıb.
Bu barədə İnterpress.az xarici mediaya istinadən xəbər verir.
Birləşmiş Millətlər Təşkilatı (BMT) Nigerdəki son zorakılıq və hücumların ötən ay 20,000-dən çox insanın məcburi köçkünə çevrilməsi ilə nəticələndiyini bildirib.
BMT-nin Qaçqınlar üzrə Ali Komissarlığının (UNHCR) Niger nümayəndəsi Emmanuel Gignac BMT-nin Cenevrə ofisində həftəlik mətbuat konfransında 26 iyul hərbi çevrilişin baş verdiyi Nigerdəki vəziyyətlə bağlı qiymətləndirmələr edib.
Nigerdə sürətlə pisləşən humanitar vəziyyətdən dərin narahatlıq duyduqlarını ifadə edən Gignac, “Son günlərdə baş verən zorakılıq və hücumlar nəticəsində keçən ay 20 mindən çox insan öz ölkəsində məcburi köçkünə çevrilib. Bu, qaçqınlar, sığınacaq axtaranlar və onları ev sahibləri üçün riskləri artırıb.
Daxili yerdəyişmələrin daha çox Tillaberi və Diffa bölgələrində olduğuna diqqət çəkən Gignac, qonşu ölkələrdən Nigerə də əhalinin hərəkətliliyinin olduğunu və bu ay Nigeriya, Mali və Burkina Fasodan 2500-dən çox insanın Nigerə sığınacaq üçün müraciət etdiyini bildirib.
Qərbi Afrika Dövlətləri İqtisadi Birliyinin (ECOWAS) Nigerə qarşı tətbiq etdiyi sanksiyaların kənd təsərrüfatı mövsümü ilə yağışlı mövsüm arasındakı keçid dövrünə təsadüf etdiyini bildirən Gignac, artıq ərzaq və əmtəə qiymətlərində artım olduğunu vurğulayıb.
Gignac, çevriliş cəhdindən əvvəl ərzaq qiymətlərindəki artımın sanksiyaların tətbiqindən sonra sürətləndiyini, ECOWAS ölkələri ilə sərhədlərin bağlanmasının ərzaq və digər mallarda qıtlığa səbəb ola biləcəyini və bunun daha çox ərzaq qiymətlərinin artmasına səbəb olacağını bildirib.
