ABŞ-ın Cənubi Karolina ştatında bir gün əvvəl yoxa çıxan F-35 qırıcısının qalıqları tapılıb.
Bu barədə İnterpress.az xarici mediaya istinadən xəbər verir.
Təyyarə qəzaya uğramazdan əvvəl pilot paraşütlə tullanıb.
ABŞ-da itmiş F-35-in qalıqları tapılıb
Rəsmilər F-35-in qalıqlarının Çarlston Hərbi Hava Qüvvələri bazasının şimal-şərqindəki Vilyamsburq kəndi ərazisində tapıldığını bildirib.
Adı açıqlanmayan pilot paraşütlə sağ-salamat tullandıqdan sonra Şimali Çarlston şəhərinə enib.
Pilot paraşütlə tullananda təyyarə avtomatik uçuşa buraxılıb və onun işlək transponderi və gizli texnologiyası radarların izlənməsinə mane olub.
F-35-in tapılması üçün ictimaiyyətdən kömək istənilib.
Amerika ordusundan verilən açıqlamada qəza “müsibət” adlandırılsa da, heç bir təfərrüat verilməyib.
Təxminən 80 milyon dollara başa gələn F-35 təyyarəsinin qəzaya uğraması ilə bağlı araşdırma başladılıb.
Daha bir F-35 pilotunun sağ-salamat Çarlston bazasına qayıtdığı açıqlanıb.
İki F-35 təyyarəsi Atlantik okeanı sahili yaxınlığındakı Beaufort şəhərində eskadronda idi.
Səlahiyyətlilər dünən onlayn paylaşımlarında itmiş təyyarənin yerini tapmaq üçün ictimaiyyətdən kömək istəyiblər.
Çarlston Bazasının sosial media platformasında edilən paylaşımda, “Xilasetmə qruplarımıza F-35-i tapmağa kömək edəcək hər hansı məlumatınız varsa, Baza Müdafiə Əməliyyatları Mərkəzinə zəng edin” deyilir.
