Belçikanın Turnhout şəhərindəki kilsədə sirr bitkiləri yetişdirməkdə ittiham olunan iki nəfər polis tərəfindən saxlanılıb.
Bu barədə İnterpress.az xarici mediaya istinadən xəbər verir.
Belçika mətbuatında çıxan xəbərlərə görə, keşiş kilsənin çardağında qurumağa başlayan 200 ədəd sirr kökü taparaq polisə xəbər verib.
Polis araşdırmaya başlayıb və keçən həftə kilsənin ətrafında şübhəli hərəkət edən insanları təqib edib.
Şübhəlilərdən biri çardaqda, digəri isə kilsədə polis tərəfindən yaxalanıb.
Şübhəlilərdən biri məhkəmədə həbs edilib, digəri isə elektron qolbaqla ev dustaqlığına buraxılıb.
