Rəis ailəsini öldürənlər belə həbs edildi – VİDEO

Belə ki, tutulan şəxlər rəisin evinə qarət üçün gəliblər. Evə zorla daxil olan quldurlar A.Qoştu və onun yatmış 6 ailə üzvünü özləri ilə gətirdikləri taxta dəyənəklərlə öldürənə qədər döyüblər. Evin yalnız 7 yaşlı qızı möcüzə nəticəsində sağ qalıb.

Rus mətbuatı yazır ki, təqsirləndirilən şəxslər evdən 906 rubl (təqribən 20 manat), bank kartları, mobil telefonlar və Andrey Qoştun xidməti şəhadətnaməsini özləri ilə aparıblar. İddia edilir ki, cinayətkarlar dörd nəfər olublar və və onlar silahlı hücuma hazırlaşıblar.

Federal Təhlükəsizlik Xidmətinin və Rusiya Daxili İşlər Nazirliyinin operativ xidmətləri quldurların izinə ötən həftənin şənbə günü düşüblər və onların gizləndikləri mənzillərin hamısını eyni zamanda izləyiblər. Bazar günü gecə isə polislər şübhəlilərin tutulması üçün əməliyyat keçiriblər. Polisin ilk əməliyyatı əvvəllər məhkum olunmuş Roman Fətəliyev üçün baş tutub. Onun şübhəli şəxs kimi istintaqçıların diqqətini çəkməsinə səbəb isə öldürülən rəisin bank kartından pulu çıxarmağa çalışması olub. Fətəliyev müqavimət göstərməyə macal belə tapmayıb.

R. Fətəliyev ilkin ifadəsində Xüsusi Xidmət Orqanları ilə əməkdaşlıq etməyə razılıq verib və bildirib ki, onlar heç kəsi öldürmək istəməyiblər: “Biz evdən sadəcə pul götürməyə çalışırdıq”.

İstintaq Roman Fətəliyevi və onun cinayəti törətməkdə iştirak edən tərəfdaşı İslam Babayevi yeddi nəfərə hücumda ən aktiv iştirakçı kimi qəbul edib.

Sızran Rayonunun keçmiş polis rəisi Andrey Qoştu

Bazar ertəsi də Sızranda kriminal qruplaşmanın iştirakçılarına qarşı istintaq hərəkətləri davam etdirilib və İslam Babayev Daxili İşlər Nazirliyinin xüsusi təyinatlı dəstəsinin əməkdaşları tərəfindən tutulub. O da ilkin ifadəsində hadisəni törətdiyini etiraf edib.

Dəstənin üçüncü iştirakçısı isə keçikçi rolunu oynayan Zöhrabov Orxan olub. O, ilkin ifadəsində evin həyətində dayandığını, yalnız insanların dəyənəklərlə öldürüldüyünü gördüyünü deyib.

Qətldə 4-cü şəxsin də olduğu müəyyən edilib. Onun adının Məhəmmədəli Əhmədov olduğu bildirilir. Onu saxlamaq hələlik mümkün olmayıb. Bəzi məlumatlara görə, şübhəli gizlincə ölkədən çıxmağı bacarıb. Samara vilayətinin güc strukturları hesab edirlər ki, cinayətkar dəstəni məhz Əhmədov yaradıb. Əhmədovun barəsində artıq federal axtarış elan edildiyi bildirilir.

Dəstə qarət planını Sızran bazarının yanında yerləşən \”Slavyan\” kafesində hazırlayıb.
Saxlanılanlara qarşı rəsmi ittiham yaxın vaxtlarda irəli sürüləcək.
Rusiyada keçmiş polis rəisi və onun ailə üzvləri aprel ayının 24-də qətlə yetirilib. İvaşovka kəndində mənzillərdən birində səhər saatlarında üçü kişi olmaqla altı nəfərin cəsədi aşkar edilib. Aparılan araşdırmalar nəticəsində öldürülənlərdən birinin keçmiş polis rəisi Andrey Qoşt, digərlərinin isə onun ailə üzvləri olduğu məlum olub.

Hüquq-mühafizə orqanlarındakı mənbənin məlumatına görə, sabiq polis rəisi və onun ailə üzvləri Samara vilayətində mənzilə edilən hücum nəticəsində öldürülüb. Ailə üzvləri dəmirlə döyülüb.
Hadisə baş verən ərazidə həmçinin qapalı kəllə-beyin travması və sümükləri sınmış 7 yaşlı qız da tapılıb. O, dərhal xəstəxanaya çatdırılıb.

Qətlə bağlı yeni faktlar da ortaya cıxıb

Rusiyanın Samara vilayətində bir ailənin 6 üzvünü öldürməkdə şübhəli bilinərək saxlanılan 3 azərbaycanlı ilə bağlı yeni faktlar ortaya çıxıb. Məlumata görə, bu dəhşətli qətldə təqsirkarlardan biri hesab edilən İslam Babayev Federal Təhqiqat Bürosunda işləmək arzusunda olub.
Bu haqda onun dostluq etdiyi qız Angelina danışıb. Onun sözlərinə görə, İslam əvvəllər tikintidə çalışıb, sonra Tolyattiyə gedib: “Mənim bildiyimə görə o, Federal Təhqiqat Bürosunun akademiyasına qəbul olunmaq istəyirdi. Burada, Sızranda isə avtomobilyuma məntəqəsində çalışırdı”, – o, deyib.

Angelinanın sözlərinə görə, nə İslam, nə də onun görüşdüyü Orxan qətl törədə bilməzdilər: “İslam dəqiq bunu edə bilməzdi. Nə o, nə də Orxan. Onlar ancaq dalaşa bilərdilər. Ancaq 6 nəfəri, özü də azyaşlı uşağı vəhşicəsinə öldürmək, bunu edə bilməzdilər. Hər ikisinin qardaşı oğlu var, İslam uşaqları çox sevir”.
Angelinanın vediyi digər məlumata görə, Orxan Zöhrabov əvvəllər qoyun oğurladığı üçün həbsdə yatıb: “Ancaq nə İslamın, nə də Orxanın polis rəisinə qarşı hansısa narazılığı olub. Bəli, Orxan polisləri görmək belə istəmir, ancaq quldurcasına basqın edə bilməzdi. O, qoyundan başqa heç nə oğurlamayıb”.