TDT ölkələri ümumi himn yaratmaq üzərində işləyirlər.
İnterpress.az xəbər verir ki, bu barədə Türkiyə telekanalı NTV məlumat yayıb. Bildirilir ki, TDT ölkələri ümumi himn yaratmaq üzərində işləyirlər.
Bundan əlavə, mədəni əməkdaşlıq çərçivəsində incəsənətin bütün sahələri üçün vahid ədəbi bazanı təmin edəcək lüğətin hazırlanması nəzərdə tutulur. Lüğətin bir neçə il ərzində tamamlanması, himnin isə daha qısa müddətdə hazır olacağı gözlənilir.
Türk Dövlətləri Təşkilatı (TDT) Azərbaycan, Qazaxıstan, Qırğızıstan, Türkiyə və Özbəkistanın daxil olduğu beynəlxalq təşkilatdır. Macarıstan və Türkmənistan müşahidəçi qismində iştirak edirlər.
Təşkilat türkdilli ölkələr arasında siyasət, iqtisadiyyat, elm, təhsil, nəqliyyat və turizm sahələrində əməkdaşlığı genişləndirmək məqsədilə yaradılıb.
Xuraman Etibarlı
İnterpress.az
