İnterpress.az xəbər verir ki, mükafatın təqdimolunma mərasimi Norveç paytaxtı Oslodakı Hökumət Evinin binasında keçirilib.
Mərasimdə Norveç kral ailəsi və ölkə hökumətinin üzvləri iştirak ediblər.
Qeyd edək ki, Norveç Nobel Komitəsi X.M.Santosun sülh mükafatı laureatı olduğunu oktyabrın 7-də açıqlayıb. Dövlət başçısı ölkəsində 50 ildən çox müddətdə davam edən vətəndaş müharibəsinə son qoyulmasına yönəlmiş səylərinə görə, mükafata layiq görülüb.
Xatırladaq ki, Kolumbiya hökuməti ilə ABŞ və Avropa İttifaqının terror təşkilatı kimi tanıdığı Kolumbiya İnqilabçı Silahlı Qüvvələri (FARK) arasında 1964-cü ildən davam edən münaqişə nəticəsində 220 min kolumbiyalı həlak olub, 6 milyon nəfər isə ev-eşiyini tərk etməyə məcbur qalıb.
İnterpress.az
