İnterpress.az xəbər verir ki, Ukrayna Millətlər Assambleyasından APA-ya verilən məlumata görə, görüşdə Ali Radanın vitse-spikeri Oksana Sıroid, deputatlar Mixail Bondar, Nikolay Velçikov, Georgi Loqvinskiy və Assambleya rəhbəri, Birləşmiş Ukrayna Azərbaycanlıları Konqresinin sədri Rövşən Tağıyev, o cümlədən təşkilatın rəhbəri Rev Macid Əl Şəfi iştirak edib.
Kanada ilə əməkdaşlıq çərçivəsində Ukraynaya hazırkı münaqişə fonunda mümkün kömək ətrafında aparılan müzakirə zamanı keçmiş Sovet ölkələrindəki münaqişələrə, o cümlədən Dağlıq Qarabağ münaqişəsinə də toxunulub. R. Tağıyev görüş iştirakçılarına Ukraynadakı etnik xalqların hazırkı situasiyada fəal iştirakı ilə yanaşı, həmçinin eyni münaqişə əziyyətinin vətəni Azərbaycanın da çəkdiyi , tarixi vətəninin bu münaqişə nəticəsində 20 faiz torpağının hələ də işğalda olması barədə məlumat verib. Kanadalı və ukraynalı deputatlar müzakirələrdə Donbasla yanaşı, Dağlıq Qarabağ münaqişəsinin də tezliklə həll olunmasına çağırıb, əks halda hazırkı status-kvonun qaldıqca daha çox fəsada yol açacağından danışıblar, beynəlxalq əməkdaşlıqda bu məsələlərin birgə qaldırılması barədə razılığa gələrək mətbuata bəyanat veriblər. Görüşdə münaqişə bölgəsinə humanitar köməyin gücləndirilməsi ilə yanaşı həmçinin Ukraynada yaşayan milli azlıqların fəaliyyəti də müzakirə edilib.
İnterpress.az
