Mövlud Çavuşoğlu bunu Hollandiyanın baş naziri Mark Rattın yenidən seçilməsi ilə əlaqədar deyib.
Bazir bildirib ki, Rattla faşist adlandırdığı məğlub olan sağçı Girt Ualders arasında fərq yoxdur.
\”Avropanı hara sürükləyirsiniz? Siz Avropanı disinterasiya etməklə yanaşı, onu uçuruma aparırsınız\” – deyə, Çavuşoğlu bildirib.
Türkiyə prezidenti Rəcəb Tayyib Ərdoğan Rattın Türkiyəni dost kimi itirdiyini deyib.
O, Avropa İttifaqını anti-islamçılıqda günahlandırıb.
Hollandiyada keçirilən parlament seçkilərində baş nazir Mark Rattın mərkəz sağçı VVD (Azadlıq və Demokratiya Naminə Xalq Partiyası) partiyası 150 mandatdan 31-ni qazanaraq qalib gəlib.
Anti-İslam təmayüllü Girt Uildersin Azadlıq Partiyası rəy sorğularının proqnozlaşdırdığı nəticələr əldə edə bilməyib. Ualdersin partiyası başqa iki partiya ilə ikinci yeri bölüşür. Bu üç partiyanın hər biri 19 mandat qazana bilər (\”Amerikanın səsi\”).
İnterpress.az
