Tarixi zərurətdən yaranan partiya Azərbaycanı məhv olmaqdan xilas etdi.
Bu sözləri Azərbaycan Alpaqut Federasiyasının prezidenti,iqtisadiyyat üzrə fəlsəfə doktoru,fəal ictimaiyyətçi Aqil Acalov Yeni Azərbaycan Partiyasının yaranmasının 25 illiyi ilə bağlı fikirlərini şərh edərkən bildirib.
A.Acalov bu gün partiya fəaliyyətini cənab prezident İlham Əliyevin rəhbərliyi altında uğurlu davam etdirildiyini söylədi:
“Ətrafında 700-mindən çox insanı birləşdirən partiyada gənclərin fəaliyyətinə xüsusi önəm verilir. Azərbaycanın qüdrətli və regionda aparıcı dövlətə çevrilməsində Yeni Azərbaycan Partiyasının böyük rolu var. Cənab prezident İlham Əliyev Yeni Azərbaycan Partiyasının yaradılmasının 25 illiyinə həsr edilmiş təntənəli yubiley mərasimində partiyanın yaranmasını tarixi bir hadisə, müasir Azərbaycan dövlətçiliyi tarixində dönüş nöqtəsi adlandırdı”.
İnterpress.az
