İnterpress.az Apa-ya istinadən xəbər verir ki, bu barədə Tacikistan Milli Təhlükəsizlik Komitəsi məlumat yayıb.
Tacikistanın Əfqanıstanla sərhəddə yerləşən Şamsiddin Şoxin rayonunda əfqan qaçaqmalçıları ilə atışma zamanı polkovnik Xayriddin Əhmədov ölüb, 4 hərbçi ağır yaralanıb. Yaralılar xəstəxanaya yerləşdirilib.
Qeyd edək ki, Tacikistanın Əfqanıstanla 1430 km sərhədi var. Şamsiddin Şoxin rayonu mürəkkəb relyefi ilə bağlı sərhəddə yerləşən ən gərgin sahədir. Burada tez-tez narkotik vasitə tacirləri və silahlı qaçaqmalçılarla atışma baş verir.
İnterpress.az
