ABŞ-ın Kaliforniya ştatında maskalı silahlı basqınçıların bir evin bağçasında təşkil edilən ziyafətə basqın edərək atəş açması nəticəsində 4 nəfər ölüb, 3 nəfər yaralanıb.
Bu barədə interpress.az xarici mediaya istinadən xəbər verir.
Kral Şəhər Polis İdarəsindən verilən açıqlamada dünən yerli vaxtla saat 18:00 radələrində silahlı hücum xəbərinin alındığı bildirilib.
Açıqlamada 3 maskalı təcavüzkarın bir evin bağçasında keçirilən şənliyə basqın edərək camaata atəş açaraq 4 nəfəri öldürdüyü qeyd edilib.
Açıqlamada hücumda yaralanan 3 nəfərin xəstəxanaya aparıldığı, şəxsiyyəti məlum olmayan hücumçuların avtomobilləri ilə hadisə yerindən qaçdığı vurğulanıb.
Açıqlamada hücumla bağlı istintaq başladıldığı qeyd edilib.
