ABŞ hərbi gəmilərinin Panama kanalından pulsuz keçməsinə icazə veriləcəyi ilə bağlı məlumat yalandır.
İnterpress.az xəbər verir ki, bu barədə Panama hökuməti məlumat yayıb.
Panama hakimiyyəti ABŞ Dövlət Departamentinin Amerika hərbi gəmilərinin Panama kanalından pulsuz keçməsinə icazə veriləcəyi ilə bağlı məlumatını təkzib edib.
ABŞ-nin Amerika döyüş gəmilərinin sərbəst keçidi ilə bağlı razılığa gəldiyini iddia etməsindən sonra Panama kanalı ətrafında çaşqınlığa səbəb olub.
ABŞ Dövlət Departamenti bildirib ki, Panama ildə milyonlarla dollara qənaət etməklə ABŞ hökumət gəmiləri üçün bütün ödənişlərdən imtina etməyə razılaşıb.
Ancaq bir neçə saat sonra kanal rəhbərliyi tərəfindən sərt təkzib gəlib.
Rəsmi açıqlamada qaydalara və tariflərə heç bir dəyişiklik edilmədiyi və ABŞ ilə müzakirələrin hələ də davam etdiyi bildirilib.
“Panama kanalı hərbi gəmilərin keçməsi məsələsində Amerika nümayəndələri ilə dialoqa hazırdır”, – kanal administrasiyası qeyd edib.
Xuraman Etibarlı
İnterpress.az
