ABŞ Rusiya elitasına qarşı sanksiyalar siyahısını genişləndirir.
Bu barədə İnterpress.az xarici mediaya istinadən xəbər verir.
Birləşmiş Ştatlar Rusiyanın dörd tanınmış maliyyə elitasını və bir Rusiya biznes assosiasiyasını sanksiyalar siyahısına əlavə edib.
ABŞ Maliyyə Nazirliyindən verilən açıqlamada Xarici Aktivlərə Nəzarət Ofisinin (OFAC) hədəf aldığı 4 nəfərin Rusiyanın ən böyük maliyyə və investisiya qurumlarından biri olan Alfa Group Konsorsiumunun müşahidə şurasında vəzifə yerinə yetirdiyi bildirilib.
Açıqlamada sözügedən şəxslərə daha əvvəl Avstraliya, Kanada, Avropa Birliyi, Yeni Zelandiya və Böyük Britaniya tərəfindən sanksiya tətbiq edildiyi qeyd edilib.
Açıqlamada OFAC-ın Rusiyanın sanksiyalara müdaxiləsində iştirak edən bir iş birliyini də hədəf aldığı qeyd edilib və sözügedən dərnəyin idxalın əvəzlənməsi, texnologiya müstəqilliyi və texnologiyanın inkişafına dəstək verən bir neçə koordinasiya şurasının olduğu vurğulanıb.
Bəyanatda sanksiyaya məruz qalan Rusiya elitaları Petr Oleqoviç Aven, Mixail Maratoviç Fridman, German Borisoviç Xan və Aleksey Viktoroviç Kuzmiçev kimi göstərilib.
