ABŞ Dövlət Departamenti 2017-ci ildə qüvvəyə minən və o vaxtdan bəri hər il yenilənən Şimali Koreyaya səyahət üçün ABŞ pasportundan istifadəni qadağan edən qərarın müddətini 31 avqust 2024-cü ilə qədər uzaddığını açıqlayıb.
Bu barədə İnterpress.az xarici mediaya istinadən xəbər verir.
ABŞ Dövlət Departamentinin qərarı Şimali Koreyanın nüvə və ballistik raket proqramları və Şimali Koreyaya “icazəsiz və qeyri-qanuni” daxil olduğu deyilən ABŞ əsgəri Travis Kinqin qeyri-müəyyən vəziyyəti səbəbindən “eskalasiyanın” yaşandığı bir vaxtda verilib.
Xarici işlər naziri Antoni Blinkenin imzaladığı sirkulyarda Şimali Koreyaya getmək istəyən Amerika vətəndaşlarına xüsusi icazə alınmadığı təqdirdə səyahət qadağasının 31 avqust 2024-cü ilə qədər uzadıldığı bildirilib.
Bu qərarın Amerika vətəndaşlarının Şimali Koreyada həbs və uzun müddətli həbs kimi risklərə məruz qala biləcəyi əsası ilə verildiyi bildirilir.
Şimali Koreyaya səyahət etmək üçün ABŞ pasportundan istifadəyə qadağa 2017-ci ildə Şimali Koreyada həbsdə olarkən ağır yaralanan amerikalı tələbə Otto Warmbier-in ölümündən sonra o vaxtkı dövlət katibi Reks Tillerson tərəfindən irəli sürülüb.
