Avropa İttifaqı (Aİ) məhkəməsi Belçikanın transmilli şirkətlərə verdiyi vergi güzəştlərinin qanunsuz olduğuna qərar verib.
Bu barədə İnterpress.az xarici mediaya istinadən xəbər verir.
Mərkəzi ofisi Lüksemburqda olan və Aİ-nin ən yüksək məhkəməsi olan Avropa Ədalət Məhkəməsinin strukturuna daxil olan Ümumi Məhkəmə, Belçikanın vergi tətbiqləri səbəbiylə aldığı cəriməyə qarşı Aİ Komissiyasına qarşı qaldırdığı iddia ilə bağlı qərar verib.
Məhkəmə, Belçikanın transmilli şirkətlərin törəmə şirkətlərinə verdiyi vergi güzəştlərinin qeyri-qanuni yardım proqramı olduğu qənaətinə gəlib. Qərara əsasən, məhkəmə 2016-cı ildə Aİ Komissiyasının Belçikada vergi sisteminin ittifaqın ictimai dəstək qaydalarını pozduğuna dair qərarını təsdiqləyib.
2005-ci ildə Belçikada başlayan və çoxmillətli şirkətlər üçün mövcud olan vergidən azadetmə sistemi 2016-cı ildə Aİ Komissiyası tərəfindən qeyri-qanuni tapılıb. Komissiya Belçika vergi sistemindən faydalanan 55 şirkətdən 700 milyon avro ödənilməmiş vergilərin yığılmasını tələb edib.
Belçika və bəzi şirkətlər bu qərara qarşı Aİ məhkəməsində məhkəmə prosesi başlatdılar.
