Tənzilə Rüstəmxanlı Almaniyada yaşayan azərbaycanlı professorla görüşüb
İnterpress.az xəbər verir ki, Milli Məclisin deputatı Tənzilə Rüstəmxanlı Almaniyanın Essen şəhərində yaşayan musiqişünas və musiqi terapevti, professor Sara Kərimişad Həsənpurla görüşüb.
Deputat bu barədə sosial şəbəkə hesabında paylaşım edib. O, professorun səmimi ziyarətinə və xoş görüşə görə təşəkkürünü bildirib.
Tənzilə Rüstəmxanlı Sara Kərimişad Həsənpurun yaşadığı ölkədə Azərbaycanı yüksək səviyyədə təmsil etdiyini, milli-mədəni dəyərlərimizi yaşadaraq tanıtdığını vurğulayıb.
Deputat professorun elmi və ictimai fəaliyyətində uğurlar arzulayıb.
